«Бесеуі қыз, қалғандары ұл бала»: Алматыда уланған оқушылардың саны көбейіп жатыр

Бұған дейін хабарлағанымыздай, Алматыдағы физика-математикалық мектептің оқушылары астан уланып, ауруханаға түскен еді. Депутат, бұрынғы бала құқығы жөніндегі уәкіл Динара Зәкиева ауруханаға барып, жағдайды өз көзімен көрген, деп хабарлайды Azattyq Rýhy.

Зәкиеваның айтуынша, жаңа ғана ауруханаға тағы үш бала түскен. Олардың бәрі аймақ-аймақтан келіп, мектептің жатақханасында жатып оқитын балалар.

«Алматы қаласында тамақтан уланып, ауруханаға түскен балалардың көңілін сұрадым. 43-і ұл бала, бесеуі қыз бала. Жаңа ғана тағы үш баланы әкелді», - деп жазған Зәкиева әлеуметтік желісіне.

Оның айтуынша, балалардың жағдайы тұрақты. Олардың бәрі аймақ-аймақтан келген, жатақханада тұратын оқушылар екен.