Қазалы сотының төрағасы 9 жылға сотталып кетті

Қызылорда облысында Қазалы аудандық сотының төрағасы Дәурен Әбдіқалықов пен судья Серік Бертай 9 жылға сотталып кетті, деп хабарлайды Azattyq Rýhy.

ҰҚК мәліметінше, оларға қатысты сот үкімі 18 қыркүйек күні шықты.

«Олар ҚР Қылмыстық кодексінің 366-бабы 3-бөлігінің 2-тармағында және 366-бабы 3-бөлігінің 2, 4-тармақтарында көзделген сыбайлас жемқорлық қылмыстарды жасағаны үшін кінәлі деп танылды», – делінген ҰҚК хабарламасында.

Нақтырақ айтқанда, олар биыл қаңтар айында ірі мөлшерде пара алды деген күдікпен ҰҚК қамауға алынған.