Қостанай маңында тіркеме өртенді: құтқарушылар 400 газ баллонын алып шықты

Құтқарушылар өрт шыққан тіркемеден 400 газ баллонын қауіпсіз жерге шығарды

видеодан скрин

Қостанай маңындағы облыстық маңызы бар автожолда жүк көлігінің тіркемесі өртеніп, құтқарушылар одан жүздеген газ баллонын алып шықты, деп хабарлайды Azattyq Rýhy ҚР ТЖМ Telegram-арнасына сілтеме жасап.

Өрт Қостанай – Введенка тасжолында, «Текстильщик-1» бау-бақша қоғамы маңында болған. Жүк көлігі тіркемесінің жеті шаршы метр аумағын өрт шарпыған.

Оқиға орнына келген ТЖМ қызметкерлері өртті сөндіріп, қауіпті аймақтан әрқайсысының көлемі 27 литр болатын 400 бос газ баллонын алып шықты.

Оқиға салдарынан ешкім зардап шеккен жоқ.

Мақалада

#Қостанай #өрт #құтқару жұмыстары #ТЖМ

Алдыңғы жаңалық

Кипр жағалауында аударылған кемеде Қазақстан азаматтары бар ма: ҚР СІМ жауап берді