Құтқарушылар Бұқтырма су қоймасында жоғалған туристерді үш сағат іздеді

Шығыс Қазақстан облысының Самар ауданындағы Бұқтырма су қоймасында қайықпен серуендеуге шыққан екі демалушы жоғалып кетті, деп хабарлайды Azattyq Rýhy.

Ер адам мен әйел күндіз су айдынына шыққан, алайда бірнеше сағат өткен соң демалыс базасына оралмаған. Үш сағаттан кейін олардың туыстары құтқарушылардан көмек сұрады.

Құтқарушылар іздеу жұмыстарын ұйымдастырып, көп ұзамай демалушыларды жағадан шамамен екі шақырым жерден тапты. Ер адам мен әйел жағаға жеткізілді. Оларға медициналық көмек қажет болған жоқ.

Құтқарушылар демалушыларға су айдындарында қауіпсіздік ережелерін сақтау және жоспарлары туралы жақындарына алдын ала хабарлау қажеттігін еске салды.