Шымкентте сусындар қоймасы өртенді

Шымкент қаласында Төлеби көшесінде орналасқан «Визит» ЖШС-ның аумағында өрт шықты, деп хабарлайды Azattyq Rýhy тілшісі ТЖД баспасөз қызметіне сілтеме жасап.

«Аумағы 2000 ш.м. болатын қойма және жапсарласа соғылған бастырманың астында пластик бөтелке жасауға арналған шикізаттар жанған. Алдын ала мәлімет бойынша өрттің көлемі шамамен 800 шаршы метрді құрайды», - делінген хабарламада.

Оқиға орнына 21 техника мен 89 қызметкер жұмылдырылды. Қайтыс болғандар мен зардап шеккендер жоқ. Өрттің неден шыққаны анықталып жатыр.