Вьетнамда коронавирустың алғашқы өлімі тіркелді

Вьетнамда коронавирус жұқтырудың салдарынан алғашқы өлім анықталды, деп хабарлайды ТАСС. 70 жастағы ер адам инфекцияның салдарынан қайтыс болған. Алайда, вирус жұқтырған адамның Вьетнамның нақты қай аймағында өмір сүргені туралы ақпарат әлі айтылған жоқ.

Айта кетейік, Вьетнамда коронавирус жұқтырған 522 адамның 369-ы аурудан құлан-таза айығып шыққан. Ал кісі өлімі алғаш рет тіркеліп отыр.