Шығыс Қазақстанда жер үй өртеніп, ерлі-зайыпты зейнеткерлер қаза тапты

Өрт Глубокое ауданындағы ауылда болған

Фото: pixabay

Шығыс Қазақстан облысындағы Глубокое ауданында жер үй өртеніп, ерлі-зайыпты зейнеткерлер қаза тапты, деп хабарлайды Azattyq Rýhy.

Облыстың төтенше жағдайлар департаменті агенттікке осы оқиғаны растай отырып, өрттің мән-жайын баяндады.

«Глубокое ауданы Уваров ауылында жер үйден өрт шыққан. Өрт сөндірушілер келгенше 1948 жылғы ер адам далаға шығып үлгерген. Алайда, ол түтінге уланып, дәрігерлердің жедел әрекетіне қарамастан, көз жұмды. Ал, өрт сөндірушілер өрт сөндірген кезде 1953 жылғы әйелдің мәйітін тапты», - деп хабарлайды облыстық ТЖД баспасөз қызметі.

Дереккөзге сүйенсек, өртеніп кеткен үй ерлі-зайыптың өз үйлері. Өрт 80 шаршы метрге таралған. Қазір мамандар өрттің себебін анықтап жатыр.

Мақалада

#өрт #ШҚО #өрт сөндірушілер

Алдыңғы жаңалық

Шри-Ланкалық әйел екі ұлымен бірге Қазақстанға ұшқысы келген: жергілікті полиция оларды қолға түсірді