Түркістан облысында күннің ыстығынан тас жолдың бетоны еріп кеткен

Бұл туралы «ҚазАвтоЖол» компаниясы хабарлады

Фото: ҚазАвтоЖол

«Шымкент – Өзбекстан Республикасының шекарасы» арасындағы республикалық маңызы бар тас жолдың 718 шақырымында күннің ыстығынан тас жолдың бетоны еріп, жол бүлінген, деп хабарлайды Azattyq Rýhy.

«ҚазАвтоЖол» компаниясының баспасөз қызметі хабарлағандай, жол қызметкерлері бүлінген жерді 13 маусым күні, сағат 16:00-де анықтаған.

Түркістан облысындағы «Қазқызмет» ЖШС-ның мамандары жолды жөндеуге кірісіп, жүргізушілерге ескерту жасаған.

Естеріңізге сала кетейік, жуырда Павлодар облысында да күннің ыстығынан трасса бүлінген еді.

Мақалада

#Түркістан облысы #Түркістан #ҚазАвтоЖол

Алдыңғы жаңалық

Рудный қаласында 1,5 ай бұрын жоғалып кеткен ер адамның денесі қамыс арасынан табылды