Британияда өлі табылған мигранттар Вьетнам азаматтары болған

Жарияланған:
02.11.2019, 13:27

Бастапқыда олардың бәрі Қытай азаматтары болуы мүмкін деген болжам айтылған еді

Фото: Andrew Mccaren/ZUMAPRESS.com/Global Look Press

Ұлыбританияға Бельгия арқылы жеткен, бірақ артынша жүк көлігінің артқы бөлігінен өлі табылған мигранттар Вьетнам азаматтары болып шықты. Бұл туралы Англияның Эссекс графтығының полициясы мәлімдеді, деп хабарлайды Azattyq Rýhy РИА Новостиге сілтеме жасап.

Тәртіп сақшылары жүк көлігінен барлығы 39 адамның денесін тапқан болатын, бастапқыда олардың бәрі Қытай азаматтары болуы мүмкін делінген еді. 

Бұған дейін осы іске қатысы болуы мүмкін 5 күдіктінің, оның ішінде, көлікті тізгіндеген 25 жастағы Морис Робинсон мен мәйіттер табылған жүк көлігінің иелері – Уоррингтон қаласының ерлі-зайыптылары ұсталғаны хабарланған болатын. Полиция бүгінде олардың үшеуін кепілмен бостандыққа жіберген.

«Дәл қазіргі уақытта біз құрбандардың Вьетнам азаматтары екеніне сенімдіміз. Біз Вьетнам үкіметімен байланысқа шықтық», – дейді полиция өкілдері.

Бұдан бұрын біз вьетнамдық полицияның 23 қазан күні ағылшындық Эссекс графтығында жүк көлігінің жүк салғышынан денелері табылған 39 мигранттың өліміне қатысы бар деген күдікпен екі адамды ұстағаны туралы жазған едік. Вьетнам премьер-министрі Нгуен Суан Фук полицияға адамдарды заңсыз тасымалдау бойынша тергеу жұмыстарын жүргізуді тапсыра отырып, елдің Сыртқы істер министрлігіне қаза тапқандардың жеке тұлғасын анықтау үшін британдық қызметтермен ынтымақтаса жұмыс істеуді міндеттеді.  

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Ақтөбеде оқушылар төбелесіп, бір бала көз жұмды
Солтүстік Қазақстанда жеңіл көлік жылқы қағып, бір адам көз жұмды
Қостанайда мұз астына түсіп қайтыс болған балалардың ата-аналары жауапқа тартылады

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.