Медициналық сақтандыру қорының бұрынғы басшылығына қатысты тергеу басталды

11 шілдеде Қордың бұрынғы басшысы Айбатыр Жұмағұлов қызметінен босатылды

фото: Батыржан Беспаев

«Әлеуметтік медициналық сақтандыру қорының» бұрынғы басшылығына қатысты жымқыру фактісі бойынша сотқа дейінгі тергеу басталды. Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

«Сыбайлас жемқорлыққа қарсы қызмет сатып алынатын қызметтердің құнын көтеру арқылы «Әлеуметтік медициналық сақтандыру қоры» КЕАҚ-ның қаражатын жымқыру фактісі бойынша сотқа дейінгі тергеуді бастады», - делінген хабарламада.

ҚР Қылмыстық-процестік кодексінің 201-бабына сәйкес, өзге ақпарат тергеу мүддесі үшін жариялауға жатпайды.

Еске сала кетейік, 13 шілдеде Жемқорлыққа қарсы агенттік «СҚ-Фармация» мен Медициналық сақтандыру қорын тексеруді бастады.