Нью-Йоркте көпқабатты ғимарат құлады

Ғимаратты енді қалпына келтіру мүмкін емес

Нью-Йоркте үш қабатты ғимарат құлады. Оқиға Бруклиндегі Кэрролл Гарденс аймағында болды, деп хабарлады 24.kz.

«Ғимараттың барлық қабаты 36 жыл бойы элиталық фитнес-орталық болған. Алайда коронавирустық пандемияға байланысты жаттығу залы бос тұрған», - делінген арна таратқан хабарда.

Оқиға куәгерлерінің айтуынша, ғимарат құлаған кезде жарылыс та болған. Тергеушілер тұрмыстық газ жарылған деген нұсқа бойынша тексеріс жүргізіп жатыр. Бұған дейін бұл үйге күрделі жөндеу жүргізілгені айтылуда. Алайда 10 маусым күні құрылыс нормаларының бұзылуына байланысты жөндеу жұмыстары тоқтатылған.

Мақалада

#апат #Нью-Йорк #Құрылыс #фитнес #ғимарат құлады

Алдыңғы жаңалық

Қарағанды облысында бюджеттен заңсыз 5,8 млн теңге алған кәсіпорын басшысы сотталды