Қарағанды облысында бюджеттен заңсыз 5,8 млн теңге алған кәсіпорын басшысы сотталды

Қарағанды облысында кәсіпорын басшысы алаяқтық әрекеті үшін сотталды, деп хабарлайды Қаржы мониторингі комитетінің баспасөз қызметі.

«Мамыр айында ҚР ҚМ Қаржы мониторингі комитетінің Қарағанды облысы бойынша Экономикалық тергеу департаменті сотқа жолдаған қылмыстық іс бойынша Шахтинск қаласы сотының үкімімен коммерциялық кәсіпорын директоры іс жүзінде орындалмаған автокөлік жолын жөндеу жұмысына төлем ретінде алаяқтық жолмен мемлекет бюджетінен қаражат алғаны үшін сотталды», - делінген хабарламада.

Мемлекетке келтірілген залал көлемі 5,8 млн теңгені құрайды. Сот үкімі бойынша айыпталушы кінәлі деп табылып, 3 жыл 6 айға бас бостандығына шектеу қойылып,  құрылыс және жол жөндеу саласында кәсіпкерлік қызметпен айналасу құқығынан 7 жылға айырылды.