Қазақстанның 2029 жылға дейінгі Ұлттық инфрақұрылымдық жоспары: 204 маңызды жоба жүзеге асырылуда

Ел Президентінің тапсырмасы аясында Үкімет 2029 жылға дейінгі Ұлттық инфрақұрылымдық жоспарды бекітті. Құжат 204 негізгі жобаны қамтиды және төрт стратегиялық бағытта елдің инфрақұрылымын жаңғыртуға бағытталған, деп хабарлайды Azattyq Rýhy Үкіметке сілтеме жасап.

Қазақстанның 2029 жылға дейінгі Ұлттық инфрақұрылымдық жоспары аясында энергетика, көлік, сумен жабдықтау және цифрлық инфрақұрылым салаларында ауқымды жұмыстар жүргізіледі.

• Энергетикалық инфрақұрылым (46 жоба) – ЖЭО, ГЭС және энергия шаруашылықтарын қоса алғанда, жылумен және электрмен қамтамасыз ету саласындағы жаңа нысандарды жаңғырту және салу. Бұл еліміздің барлық өңірлерін тұрақты әрі сенімді энергиямен қамтамасыз етуге мүмкіндік береді.
• Көлік инфрақұрылымы (59 жоба) – негізгі көлік дәліздерін дамыту, автожолдарды реконструкциялау және теміржол желісін жаңғырту. Бұл ішкі және халықаралық логистиканы жақсартып, Қазақстанның көлік торабы ретіндегі экономикалық тартымдылығын арттырады.
• Сумен жабдықтау және су бұру инфрақұрылымы (89 жоба) – сумен қамтамасыз ету, су бұру және сарқынды суларды тазарту нысандарын салу және жаңғырту. Бұл, ең алдымен, су ресурстары мәселесі өткір тұрған ауылдық және шалғай елді мекендердегі өмір сүру жағдайын жақсартуға бағытталған.
• Цифрлық инфрақұрылым (10 жоба) – инфрақұрылымды бақылау және басқару үшін цифрлық шешімдерді енгізу, бұл жобаларды іске асырудың барлық кезеңдерінде тиімділік пен ашықтықты қамтамасыз етеді