Үкіметтің жаңа құрамы: төрт министр жаңадан тағайындалды

Бүгін Мемлекет басшысының Жарлығымен Үкімет қайта жасақталып, министрліктердің басшылары тағайындалды. Оның ішінде 17 министр өз орнын сақтап қалса, 4 министр жаңадан тағайындалды, деп хабарлайды Azattyq Rýhy.

Жаңадан тағайындалған министрлік басшылары:

Мәди Такиев Қаржы министрі болып тағайындалды.

 Ол 2023 жылғы наурыздан бастап бүгінге дейін VII сайланған ҚР Парламенті Мәжілісінің депутаты, ҚР Парламенті Мәжілісінің Қаржы және бюджет комитетінің төрағасы қызметін атқарды.

Ақмарал Әлназарова жаңа денсаулық сақтау министрі болып тағайындалды.

Медицина ғылымдарының докторы. Осыған дейін бірқатар медициналық мекемелерде басшылық қызметте болған 2007 жылдан бері AMANAT партиясының мүшесі.  

Шыңғыс Әрінов Қазақстан Республикасының Төтенше жағдайлар министрі болып тағайындалды.

Ол бұған дейін Қазақстан Республикасы Мемлекеттік күзет қызметі бастығының орынбасары – Президент күзет қызметінің бастығы қызметін атқарды.

Нұрлан Байбазаров ұлттық экономика министрі болып тағайындалды.

Ол бұған дейін «Бәйтерек» ұлттық басқарушы холдингі» АҚ директорлар кеңесінің мүшесі қызметін атқарды.

Тиісті құжаттар Ақорда сайтында жарияланды.