Алдағы бес жылда елімізде 13 жаңа аэродром салынады – вице-министр

2020 жылы Үшарал және Үржар әуежайларындағы ұшу-қону жолақтары қайта жаңартылады. Сондай-ақ Түркістандағы жаңа халықаралық әуежайдың құрылысы аяқталады, - деп хабарлайды Kapital.kz Индустрия және инфрақұрылымдық даму вице-министрі Берік Қамалиевке сілтеме жасап.

Сонымен қатар вице-министр жоспарланып отырған  аэродром құрылыстары жайында да айтқан.

«Бүгінгі таңда 3 аэродром (Үшарал, Үржар, Зайсан) жұмыс істейді. 2025 жылға дейін тағы  13 аэродром салу көзделіп отыр», - деді Берік Қамалиев.

 Ал «ашық аспан» аясында 14 жаңа халықаралық авиабағыттарды ашу жоспарланған.  Сонымен қатар былтыр ел әуежайлары арқылы 8,6 млн жолаушы тасымалданыпты.