Қазақстанның Азаматтық авиация комитеті «Belavia» әуе компаниясы Ақтау, Қарағанды, Павлодар және Қостанай қалаларына рейстер ашатынын хабарлады
Комитеттің ақпараты бойынша, Беларусь әуе компаниясы 2020 жылдың жазында орындалатын Минск - Ақтау, Минск - Қарағанды, Минск - Павлодар және Минск - Қостанай рейстеріне әуе билеттерін сатуды бастады.
«Қазіргі уақытта «Белавиа» әуе компаниясы Нұр-Сұлтан және Алматы қалаларына жыл бойы рейстерді орындайды. Ағымдағы жылдың шілде айынан бастап Минск – Алматы бағытындағы рейстер күн сайын орындалатын болады», - делінген комитет хабарламасында.
