Түркістан-Ташкент бағытында жаңа халықаралық рейс ашылады

21 маусымнан бастап Fly Arystan әуе компаниясы аптасына 2 рейс орындайды

фото: fergana.agency

Өзбекстан премьер-министрі Абдулла Ариповтың Қазақстанға сапары аясында ҚР Индустрия және инфрақұрылымдық даму министрі Бейбіт Атамқұлов ӨР Көлік министрі Илхом Махкамовпен кездесті.

Кездесу барысында 2021 жылғы 21 маусымнан бастап Қазақстанның Fly Arystan әуе компаниясының Түркістан-Ташкент бағытында аптасына 2 рейспен (аптаның 1 және 4 күндері) ұшатыны келісілді.

Рейстер екі елдің санитарлық-эпидемиологиялық шараларын қатаң сақтай отырып орындалады.

Эпидемиологиялық жағдайдың жақсаруына қарай түркі әлемінің мәдени астанасы – Түркістаннан ұшатын рейстер санын одан әрі арттыру жоспарланып отыр.

Мақалада

#Бейбіт Атамқұлов #FlyArystan #әуе рейсі #Ташкент

Алдыңғы жаңалық

Экологиялық кодексті жазуға қатысқан сарапшы министрліктің жұмысына баға берді