ШұғылҚазақстанда өткен тәулікте 2443 адамнан коронавирус инфекциясы анықталды

Қазақстанда көлік қозғалысын басқару орталықтары құрылады

Тоқаев Париж, Ыстанбул, Мәскеу қалаларындағы тәжірибені мысалға келтірді

көрнекі фото: astana.gov.kz

Мемлекет басшысы Қасым-Жомарт Тоқаев Атырау облысының әлеуметтік-экономикалық даму мәселелері жөніндегі кеңесте қалаларда көлік қозғалысын басқарудың бірыңғай орталықтарын құруды тапсырды.

«Қалаларда көлік қозғалысын басқарудың бірыңғай орталықтарын құру керек. Орталық міндетіне осы саладағы уәкілетті органдардың жұмысын үйлестіру, сондай-ақ азаматтардың, мысалы, жол белгілері, жұмыс істемейтін бағдаршамдар мәселесі бойынша шағымдары мен ұсыныстарын қарау кіреді. Үкіметке өңірлер әкімімен бірлесіп, осындай орталықтар құру жөнінде шаралар қабылдауды тапсырамын. Мұндай тәжірибе Париж, Ыстанбул, Мәскеу қалаларында қолданылады», - деді Мемлекет басшысы.

Сондай-ақ ҚР Президенті қарбалас уақытта және демалыс күндері арнайы автобус жолақтарын пайдалану мәселесін шешуді тапсырды.