Мамин мен Чакрабарти ертең өтетін кеңес туралы әңгімелесті

21 қазанда Реформалар жөніндегі кеңестің алғашқы отырысы өтеді

Фото: primeminister.kz

Үкімет басшысы Асқар Мамин ҚР Президентінің кеңесшісі – Реформалар жөніндегі жоғары кеңес төрағасының орынбасары Сума Чакрабартимен кездесу өткізді.

Тараптар биылғы 21 қазанда болатын Реформалар жөніндегі жоғары кеңеске дайындықты, оның ішінде тұрақты әрі сапалы экономикалық дамуды қамтамасыз ету, стратегиялық жоспарлауды жетілдіру, сондай-ақ экономиканың түрлі секторларында инвестициялық жобаларды іске асыру жөніндегі бастамаларды талқылады.

Еске сала кетейік, 18 қазанда Мемлекет басшысы Қасым-Жомарт Тоқаев Чакрабартимен кездесіп, кеңестің алғашқы отырысы қанша өтетінін хабарлады.

Кеңесшім, Реформалар жөніндегі жоғары кеңес төрағасының орынбасары сэр Сума Чакрабартимен кездесу барысында биылғы 21 қазанда өтетін Кеңестің алғашқы отырыcының күн тәртібін талқыладық. Негізгі реформалар айқындалды, оларды пысықтау жуық арада басталуы керек.
— Qasym-Jomart Toqayev (@TokayevKZ) October 18, 2020