Қазақстанда стационар ретінде жұмыс істеген әскери госпитальдердің барлығы бұрынғы режиміне көшті

4 медициналық мекеменің барлығы штаттық жұмыс режиміне көшті

Фото: omnimed.kz

Қазақстанда коронавирус пандемиясына байланысты стационар ретінде қызмет еткен медициналық мекемелер біртіндеп бұрынғы жұмыс режиміне көшіп жатыр. Бүгін Қорғаныс министрі Нұрлан Ермекбаев Twitter-парақшасында стационар ретінде жұмыс істеген 4 әскери госпитальдің штаттық жұмыс режимге көшкенін хабарлады.

«Карантиндік шаралардың қатаң сақталуының арқасында жеке құрамның арасында коронавирустық инфекция жағдайларының қысқаруына қол жеткізілді. Инфекциялық және провизорлық стационар ретінде қызмет еткен барлық 4 әскери-медициналық мекеме қайтадан штаттық жұмыс режимге ауыстырылды», - деп жазды министр.

Карантиндік шаралардың қатаң сақталуының арқасында жеке құрамның арасында коронавирустық инфекция жағдайларының қысқаруына қол жеткізілді.
Инфекциялық және провизорлық стационар ретінде қызмет еткен барлық 4 әскери-медициналық мекеме қайтадан штаттық жұмыс режимге ауыстырылды.
— Yermekbayev_online (@NYermekbayev) August 27, 2020