Маңғыстауда тендер арқылы 9 млрд теңгені далаға шашпақ болған 121 тұлға жазаланды

Маңғыстау облысының прокуратурасы 9 млрд теңге бюджет қаражатын негізсіз жұмсағысы келген 121 жауапты тұлғаны анықтап, біразын жазалады, деп хабарлайды Azattyq Rýhy

Прокуратураның мәліметіне сүйенсек, олар көбіне тендердегі тауарларды қымбатқа бағалап, қажет емес тауарларды сатып алмақ болған. Сондай-ақ жұмыстар мен қызметтерді де жоспарламай, сатып алмақ болған. Бюджетке алдын ала өтінім тастамай да біраз ақшаны игергісі келген.

«Жыл басынан бері прокуратура 9 млрд теңгеге бюджет қаражатын негізсіз жұмсауға жол берген жоқ. Қабылданған шаралар нәтижесінде 121 жауапты тұлға тәртіптік, ал 34 әкімшілік жауапкершілікке тартылды», - деп хабарлайды прокуратура.