Қазақстан қор биржасында доллардың орташа бағамы - 432,24 теңге

Қазақстан қор биржасында (KASE) доллардың орташа сараланған бағамы 2020 жылғы 23 сәуірде 15: 30-да 432,24 теңгені құрады. Бұл туралы Kapital.kz іскери ақпарат орталығы хабарлайды.

30 наурыз - 30 сәуір аралығында KASE нарығында сауда-саттық, клиринг және есеп айырысу ережелері өзгертілді. Орташа бағамның аралық бекітілуі 11: 00-де жүзеге асырылады. АҚШ долларына орташа бағам валюта нарығында саудаласқаннан кейін, сағат 15: 30-да бекіді.

KASE мәліметіне сәйкес, сауда-саттықта минималды бағам бір АҚШ доллары үшін 431,50 теңге, ең жоғарғы - 432,70 теңге, жабылу бағамы - 431,70 теңге болды. АҚШ долларының сауда-саттық көлемі 92 миллион 160 мың долларды құрады. Валюталық операциялар саны 308.

Еске салайық, Нұр-Сұлтан мен Алматыда 2020 жылдың 30 наурызы мен 30 сәуірі аралығында Қазақстан Республикасы Президентінің жанындағы төтенше жағдай режимін қамтамасыз ету жөніндегі мемлекеттік комиссияның шешімімен карантин режимінің күшеюіне байланысты айырбастау пункттерінің жұмысы тоқтатылды.

23 сәуірде Ұлттық банктің ресми бағамы 1 доллар үшін 435,82 теңгені құрады. 24 сәуірде ресми айырбастау бағамын анықтаудың қазіргі тәртібіне сәйкес 1 доллар үшін 432,24 теңгені құрайды.