18 млрд теңге депозитте жатыр – Ұлттық банк

Елімізде  депозиттердің  көлемі бір айда 1,8%-ға төмендеп, 2020 жылдың  қаңтар айының  соңында шоттағы жинақ 18 686,0 млрд теңгені құрады, деп хабарлайды  Azattyq Rýhy Ұлттық банкке сілтеме жасап.

Ұлттық банктің дерегіне сүйенсек, заңды тұлғалардың депозиттері 9 590,6 млрд теңгені құраса да,  2,6%-ға төмендеу бар.  Ал  жеке тұлғалардың депозиттері 9 095,4 млрд теңгеге дейін жетсе де,  жалпы жинақ сомасы 0,8% - ға кеміген.

«Ұлттық валютадағы депозиттер көлемі бір айда 10 789,8 млрд теңгеге жетті. Бірақ  0,3% - ға кему бар.  Шетел валютасындағы салым – 7 896,3 млрд теңгеге дейін яғни 3,7% - ға азайды. Долларландыру деңгейі  қаңтар айының  соңында 42,3% болды. Бұл көрсеткіш 2019 жылдың  желтоқсанында  43,1% процентті құраған», - делінген ресми хабарламада.

Бас банктің мәліметінше, заңды тұлғалардың ұлттық валютадағы депозиттері қаңтарда 5 470,5 млрд теңгеге дейін яғни  0,6% - ға ұлғайған. Шетел валютасындағы депозиттері 4 120 млрд теңгеге дейін немесе  6,6% - ға төмендеген.

«Жеке тұлғалардың ұлттық валютамен жинаған  депозиттері 5 319,3 млрд теңгеге дейін 1,2% - ға азайды, шетел валютасындағы депозиттері 3 776,2 млрд теңгеге дейін 0,3% - ға кеміді», - деп хабарлайды ұлттық банктің сайты.