Шұғыл«Тауық пен сиырдың айырмашылығын білмейді» – Нұрлан Нығматулин Экология министріне ауылға баруға кеңес берді

2020 жылы Қазақстан халқын не күтіп тұр

Биыл экономиканың барлық саласында 430 мыңнан аса жұмыс орны ашылады

Фото: Батыржан Беспаев

Бүгін Үкіметтің кеңейтілген отырысында Премьер-министр 2020 жылы Қазақстанның әлеуметтік-экономиакалық дамуындағы негізгі жоспарларды атаса, оның орынбасары Бердібек Сапарбаев әлеуметтік саланың былтырғы жаңалықтарын тізіп шықты.

Үкімет басшысы Асқар Маминнің айтуынша, 2020 жылы Қазақстанда:

- 15 млн шаршы метр тұрғын үй салынады;

- 150 мыңнан аса отбасы жаңа баспанаға ие болады;

- экономиканың барлық саласында 430 мыңнан аса жұмыс орны ашылады;

- «Ауыл – ел бесігі» жобасының аясында 800-ден аса жоба жүзеге асады;

- 3,5 мыңнан аса ауылдың жағдайын жақсарту үшін 900 млрд теңге бөлінеді;

- 19 заманауи медициналық орталық ашылады.

Ал, Премьер-министрдің орынбасары Бердібек Сапарбаев 2019 жылғы әлеуметтік өзгерістерге тоқтала отырып, әлеуметтік жәрдемақыны өскенін, өзін-өзі жұмыспен қамтыған азаматтардың саны артып, халықтың өмір сүру жасы артқанын атап өтті.

Кенжекей Тоқтамұрат, Нұр-Сұлтан