Жыл басынан бері қазақстандықтар 10 трлн теңгеге сауда жасаған

Қазақстан тұрғындары қаңтар айынан бері базарлар мен дүкендерге 10 трлн теңгесін қалдырған деп хабарлайды Ranking.kz.

2019 жылдың қаңтар-қараша айларының қорытындысы бойынша, бөлшек сауданың айналымы 10 трлн теңгеге жетіп, былтырмен салыстырғанда 12,5%-ға жоғарылады. Жалпы, ішкі сауда айналымындағы бөлшек сауданың үлесі 30,7%-ды құрап отыр.

Қазақстан бойынша ең бөлшек сауданың ең үлкен үлесі Алматыға тиесілі. Мегаполис тұрғындары 11 айда 3,1 трлн теңгеге сауда жасаған. Екінші орында Нұр-Сұлтан – 1,1 трлн, үшінші орында Қарағанды облысы – 877,8 млрд теңге.

Сауда көрсеткіштерінің өсімі республиканың барлық өңірінде байқалған. Дегенмен, батыс облыстарда басқаларымен салыстырғанда әлдеқайда төменірек.