Бизнесті тексеру шаралары тиімділікті 29% арттыруға мүмкіндік берді – Қаржы министрлігі

ҚР Қаржы министрлігі көлеңкелі экономикаға қарсы күресті кеңейтіп, кірістер мен шығыстарды есепке алудың ашық жүйесін қамтамасыз етеді. Салықтық және кедендік әкімшілендіруде ең тиімдісі - бұл жеке тұлғаларға да, бизнеске де салық міндеттемелерін орындауды жеңілдетуге мүмкіндік беретін ақпараттық жүйелер мен цифрлық шешімдерді қолдану. Бұл туралы Орталық коммуникациялар қызметінде өткен брифингте ҚР Қаржы вице-министрі Марат Сұлтанғазиев мәлімдеді.

«Осы мақсатта жеке тұлғаларға арналған« E-Salyq-Азамат» мобильді қосымшасы әзірленді. Жеке кәсіпкерлер үшін ыңғайлы және қарапайым функционалдығы бар E-Salyq-бизнес дамып келеді. Бұл қосымшалар бизнес пен халыққа салық міндеттемелерін орындауды жеңілдетуге арналған», - деді қаржы вице-министрі. 

Өткен жылы пандемияға байланысты бюджеттік бақылау шаралары тоқтатылғанына қарамастан, мемлекеттік кірістер органдары 710 млрд теңге қосымша салық түсімдерін қамтамасыз етті. 

«Біз тексерулерді дәлірек жүргізе бастадық. 2020 жылы тексерулер саны 58% -ға қысқарды, ал тиімділігі 29% -ға артты. Сонымен қатар, 2021 жылы фискалдық органдар жер қойнауын пайдаланушылар мен құрылыс компанияларын назарға ала бастады. Алты айдың ішінде тәуекелдерді басқару жүйесі бойынша 113 компания іріктелді», - деді Сұлтанғазиев.