Қарағанды облысына 10 ай ішінде 530 млрд теңге инвестиция тартылған

Биылғы жылдың 10 айында Қарағанды облысына 530 млрд теңге көлемінде инвестиция тартылған. Бұл туралы өңір басшысы Жеңіс Қасымбек ОКҚ алаңында өткен жиында мәлім етті,

 «Биылғы жылдың 10 айының қорытындысы бойынша Қарағанды облысына 530 млрд теңге инвестиция тартылды, оның 83%-ы жекеменшік. Осы орайда өңірде 12,5 мыңнан астам жаңа жұмыс орны ашылып, 45 жаңа инвестициялық жоба жүзеге асырылуда. Оның ішінде жыл соңына дейін 11 жаңа өндіріс іске қосылады. Сондай-ақ, бүгінде өңір экономикасы дамудың негізгі көрсеткіштері бойынша оң динамиканы көрсетуде. Биылғы 10 айдың қорытындысы бойынша өнеркәсіп өнімінің көлемі 2,4 трлн теңгені құрап, 2,4%-ға өсті. Оның ішінде өңдеу секторы 4,6%-ға артты», - деді әкім.

Облыс басшысы аймақтағы өнеркәсіп орындарының штаттық режімде жұмыс істеп жатқанын атап өтті.

«АрселорМиттал Теміртау» және «Қазақмыс» жүйе құрушы кәсіпорындары тұрақты жұмыс істеуде. Бұл ретте әлемдік нарықтарда мыс пен болат құнының өсуі байқалады. Жыл қорытындысы бойынша оң динамиканы 103%-ға дейін қамтамасыз ету жоспарлануда», - деді ол.

Айжан Қалиева, Нұр-Сұлтан