Ұлттық банк 2026 жылы базалық ставка бойынша шешім қабылданатын күндерді бекітті

Қазақстанның Ұлттық банкі базалық мөлшерлеме бойынша 2026 жылы қабылданатын шешімдер кестесін бекітті, деп хабарлайды Azattyq Rýhy.

Ұлттық банктің ақпаратынша, келер жылы базалық ставка бойынша 8 шешім қабылдау жоспарланып отыр, оның 4-уі болжам раунды нәтижелеріне сай қабылданады.

«Базалық мөлшерлеме бойынша шешімдер аптаның соңғы жұмыс күні Астана уақытымен сағат 12:00-де жарияланады және келесі аптаның бірінші жұмыс күнінен бастап күшіне енеді», - делінген хабарламада.

2026 жылы базалық мөлшерлеме бойынша шешімдер мына күндері жарияланады:

• 23 қаңтар;
• 6 наурыз;
• 24 сәуір;
• 5 маусым;
• 24 шілде;
• 4 қыркүйек;
• 23 қазан;
• 4 желтоқсан.

Естеріңізге салайық, 28 қарашада Ұлттық банк базалық мөлшерлемені +/- 1 п.т. дәлізімен жылдық 18% деңгейінде қалдырды.