Димаштың dears-тары Wikipedia жанкүйерлерінің ресми тізіміне енді
Әнші бүгін 26 жасқа толған туған күнін тойлап жатыр
Бүгін, 24-ші мамыр күні жаңа жасын қарсы алып жатқан Димаш Құдайбергеннің жанкүйерлері Wikipedia фандомының ресми тізіміне енді, деп хабарлайды Azattyq Rýhy.
Wikipedia-дағы ресми жанкүйерлер тізімі әлемге танымал 153 есім мен топтардан тұрады. Мысалы, Beatles тобының жанкүйерлері – beatlemaniacs, Aerosmith – blue army, BTS – army, әнші Britney Spearsтің жанкүйерлері – Britney army, ал Димаштыкі – Dears деп аталады.
Димаш Instagram парақшасында бірнеше рет өзінің Dears-тарын сағынғанын жазған болатын. Ал 26 жасқа толып жатқан туған күнінде ол тыңдармандары үшін Ютуб және Weibo каналдарында тікелей эфирге шығады.
Димашты жанкүйерлерінен бөлек, ресейлік және қазақстандық эстрада жұлдыздары құттықтап жатыр.
