«Аватар. Су жолы» жыл соңына дейін қазақ тіліне аударылады

Жыл соңына қарай «Аватар. Су жолы» қазақ тілінде үлкен экраннан көрсетіледі. Бұл туралы мәдениет және спорт министрі Дәурен Абаев Жамбыл облысының тұрғындарымен кездесуде айтты, деп хабарлайды Azattyq Ruhy.

Дәурен Абаев кездесуде шетелдік фильмдерді қазақ тіліне дубляждау мәселесіне тоқталды.

«Біз фильмдерді дубляждау бағытында ауқымды жұмыстар жүргізіп жатырмыз. Сіздер білесіздер, «Аватар» және «Қара пантера: Ваканда жасасын!» фильмдері қазақ тіліне дубляждалды. Ал, жыл соңына дейін «Аватар. Су жолы» аударылып қазақ тіліне дыбысталатын болады. Бұл жұмысты жүзеге асыру үшін жыл сайын 300 дубляж актері еңбек етуде. Бүгінде қазақ тілі дубляждағы екінші түркі тілі ретінде дараланып, Blu-Ray-да көруге болатын Голливуд фильмдерінің негізгі жеті тіліне енді», - деді министр.