Димаш Құдайберген Сочиде тағы бір жаңа әнінің тұсауын кесті

Димаш Құдайберген Сочи қаласындағ өтіп жатқан «Новая волна 2021» фестивалінде «Fly away» атты жаңа композициясын орындады. Dimashnews порталының хабарлауынша, әннің сазын композитор Еділжан Ғаббасов шығарған. Ал сөзін Джордан Аракелян жазған.

«Димаш әрдайым әннің не туралы болуы керектігін алдын ала айтады және оған мән береді. Жаңа композицияның демосын шырқағанда, Димаш оларды мәтінсіз шырқаса да, белгілі бір сөздерді тыңдауға болады. «Fly away» жаңа композициясы – рухани және шығармашылық еркіндік пен ой еркіндігі туралы ән», - дейді әннің сөзін жазған Джордан Аракелян.

Еске салайық, фестивальдің ашылуында Димаш шығыс нақышындағы «Stranger» композициясын ұсынды.