ШұғылБір тәулікте Қазақстанда 7691 адамнан коронавирус анықталды

Нұр-Сұлтан қаласында Нұрғиса Тілендиев пен Батырхан Шукеновке мурал салынды

Мурал Тілендиев даңғылында салынып жатқан көппәтерлі тұрғын үй кешенінің қасбетіне салынды

Нұр-Сұлтан қаласы «Сарыарқа» ауданында еліміздің маңдайына біткен ерекше талант иелері Нұрғиса Тілендиев пен Батырхан Шукеновке мурал салынды, деп хабарлайды елорда әкімдігінің ресми сайты.

Екі композитордың туындылары әлі күнге дейін тыңдарманын жоғалтқан жоқ. Н. Тілендиевтің «Аққу», «Әлқисса», «Махамбет» күйлері мен «Құстар әні», «Куә бол», «Сарыжайлау» сияқты әндері күні бүгінге дейін халықтың жадында сайрап тұр. Ал Б. Шукеновтың «Отан ана», «Жүрегімде Астана», «Джулия», «Твои шаги» сияқты әндері музыка өнеріндегі қайталанбас туындылар. 

Айта кетейік, мурал «Romul» ЖШС-нің бастамасымен Н. Тілендиев даңғылы, 38 мекенжайында салынып жатқан көппәтерлі тұрғын үй кешенінің қасбетіне салынды.