«Голливуд әлемі»: елордада ерекше концерт өтті

Қалалық мемлекеттік академиялық филармонияның үрмелі аспаптар оркестрінің он тоғызыншы концерттік маусымы ашылды, деп хабарлайды Azattyq Rýhy «Хабар 24» сайтына сілтеме жасап.

Жаңа өнер ұжымы «Голливуд әлемі» деген атаумен концерт берді. Оркестр Голливуд түсірген танымал кинолардың музыкаларын ойнады. Мемлекеттік филармония ұйымдастырған кешті тамашалуға келгендер көп. Көпшіліктің сүйікті фильміне айналған «Матрица», «Алладин», «Код Да Винчи» фильмдерінен саундтрек ойналды. Филармония басшылығы мұндай жобалардың жалғасатынын айтады.

«Бүгін республикалық және халықаралық конкурстардың лауреаты Әлібек Жақыпов дирижерлық етіп отыр. Көрерменнің көңілінен шығады деп ойлаймын. Және де осындай жобалар алда әлі де жүзеге асырылады», – дейді қалалық академиялық филармонияның бас директоры Ерлан Дәкенов.