«Ұлтабар ханымнан сәлем»: Ерке Есмахан босанғаннан кейін үн қатты

Қазақ эстрадасының жарқын жұлдызы Ерке Есмахан үшінші сәбиін өмірге әкелген соң алғаш рет желіге шықты. Әншінің айтуынша, жүктілігін қараша айында өткен жеке концертіне бір апта қалғанда білген. Бұл жаңалығын ол Instagram парақшасында бөлісті, деп хабарлайды Azattyq Rýhy. 

«Ұлтабар ханымнан қазақ еліне жалынды сәлем! Қарашада өткен концертке бір апта қалғанда жүкті екенімді білдім. Концертте Құдай аузыма салып, тағы да ұл сыйлаймын деп едім. Періштелер ‘әумин’ деген шығар?!», – деп жазды Ерке.

«Ішім сезді»

Әнші өзінің жаңа мәртебесін қалжыңмен «Ұлтабар ханым» деп атап, елге жалынды сәлем жолдады.

«Қыз дайын болса, ұл дайын» деп перзентханаға барған Ерке 10 маусымда толғақ қысып, 11 маусым күні кешкі сағат 19:48-де босанғанын жазды.

«Қыз дайын болса, ұл дайын деп перзентханаға шықтық. 10 маусым күні толғақ басталды. 11 маусым күні кеште перзентханаға келдік. 19:48-де дүние есігін ашты. Есік алдын жинап жүргенде уақыты келгенін ішім сезді», — деді әнші.

Күйеуінің көңіл күйі

Желі қолданушыларының назары әншінің күйеуіне де ауды. Ерке бұл жайлы да қалжыңмен бөлісті.

«Құттықтап, ақ тілегін жаудырып жатқан баршаңызға мың алғыс! Қазақ халқына алғысым шексіз. Үйлеріңнен сәбидің күлкісі кетпесін. Бар жақсылық сіздерге де жұғысты болсын! Менің жеңілдеп, рахаттанып жатқанымды күйеуім суретке түсіріп мәз», – дейді ол.

Желі қолданушыларының реакциясы

Желіде әншіні құттықтағандар арасында:

•  «Бақытты болыңыздар!»
• «Ұлдарының қызығын көріңіз!»
•  «Қазақтың ерке келіні аман-есен босанды!»
• «Ұлтабар ханым» деген статус ұнай кетті» деген сынды пікірлер толассыз жазылуда.

Контекст

Бұл – Ерке Есмаханның үшінші ұлы. Оның жұбайы Райымбек Бақтыгерей баласының суреттерін жариялап, сүйінші сұраған. Оған дейін әнші желіде күйеуі Райымбек Бақтыгереев (лақап аты – Raim) туралы жазып, мақтанған еді. Ал толғатып жатқанда Ерке Сәкен Майғазиевтің ұлының үйлену тойын көруді ұмытпаған.

Айта кетейік, осыған дейін Ерке Есмахан күйеуі Raim-ның сыйлығын көрсетіп мақтанғаны хабарланған болатын. Кейін ол өзіне тағылған сынға жауап берді.