Австрияда футбол фанаттары Роналдуға тұра ұмтылды (ВИДЕО)

Австрияның Грёдиг қалашығындағы саудиялық «Әл-Наср» клубының базасында жаттығу басталмай жатып-ақ жағдай шиеленісті, деп хабарлайды Azattyq Rýhy.

Жанкүйерлер команданың маусым алдындағы дайындыққа келгенін естіп, Криштиану Роналдуды бір көріп қалсақ немесе онымен селфи жасаймыз деген үмітпен кіреберіске жиналды.

Футбол жұлдызы шыққан кезде фанаттар сол сәтті түсіру үшін телефондарын алып, Роналдуға қарай ұмтылды. Португалиялық мұндай қыспаққа таңғалып, сәл кідірді де, тез кетіп қалды.

Роналдудың жеке күзеті тез іске кірісті: оққағарлар жанкүйерлерді итеріп, ол жерден аулақ әкетіп, футболшының жолын босатты. Ал қоршаудың арғы жағында тұрған халық «Криштиану! Криштиану!» деп айғайлап қала берген.