Ұлыбританияда бірінші рет әйел адам Уэльс архиепископы атанды

Черри Ванн Монмут епископы ретінде Уэльс архиепископы болып сайланып, Ұлыбритания шіркеу тарихында маңызды өзгеріс болды. Ол бұл лауазымға сайланған алғашқы әйел ғана емес, сондай-ақ шіркеудегі алғашқы ЛГБТ қауымдастығының ашық өкілі ретінде де тарихқа енді, деп хабарлайды Azattyq Rýhy.

66 жастағы Ванн сәрсенбі күні Чепстоу қаласына жақын орналасқан Сент-Пьер шіркеуінде өткен екі күндік сайлау синодының шешімімен тағайындалды. Синод құрамында дін қызметкерлері мен қауым өкілдері болды.

Бұрынғы архиепископ Энди Джон маусым айында отставкаға кететінін жариялады. Бұл шешімге себеп болған - Бангор кафедралды соборындағы ішкі тергеу нәтижелері, онда ішімдікке тәуелділік, қудалау және жыныстық қысым көрсету мәдениеті анықталған.

Энди Джон жағдай үшін толық жауапкершілікті мойнына алып, «айқын және шынайы» кешірім сұрады.

«Мен қателіктерім үшін жауап беремін және өз әрекеттерімді ақтамаймын», - деп мәлімдеді ол.

Черри Ванн 2020 жылы Уэльс шіркеуінің епископы атанғанға дейін Манчестер епархиясында 11 жыл бойы Рочдейл архидиаконы болып қызмет етті. Ол 1994 жылы Англия шіркеуінде алғаш рет әйел ретінде дін қызметкері лауазымына тағайындалған.

Ресми өмірбаянына сәйкес, Ванн өзінің азаматтық жұбы Венди есімді әйелмен және екі итімен бірге тұрады.