Нұрлан Сабыров Мәскеу әуежайында ұсталды
Оны көші-қон заңнамасына байланысты Қазақстанға депортациялауы мүмкін
Стендап комик Нұрлан Сабыров Мәскеудің Шереметьево әуежайында ұсталды, деп хабарлайды Azattyq Ryhy.
Көші-қон заңнамасын бұзған
112 Telegram каналының мәліметінше ол көші-қон заңнамасын бұзған болуы мүмкін. Ол Мәскеу түбіндегі көші-қон бөліміне жеткізілді.
Сабыровтың менеджері «Осторожно, новости» басылымына команданың әртіспен байланыса алмағанын және болған оқиға туралы ештеңе білмейтінін айтты.
Ресейлік БАҚ-тардың хабарлауынша оны көші-қон заңнамасына байланысты Қазақстанға депортациялап, Ресейге кіруге тыйым салынуы мүмкін. Сабыров қазір адвокатты күтіп отыр.
Нұрлан Сабыров кім
Нұрлан Сабыров – қазақстандық комик, стэнд-ап жанрындағы қойылымдардың арқасында кең танымал болды. 2013 жылы Сабыров өзін «Ашық микрофон» айдарында ТНТ-дағы «Stand Up» шоуында сынап көрді. Теледидарда ол өзінің батыл мінез-құлық стилімен және өткір әлеуметтік әзілдерімен танымал болды.
Ресейдегі ең жақсы 10 әзілкештердің бірі. 2019 жылдың сәуір айынан бастап - «Что было дальше?» шоуының жүргізушісі, YouTube-те LABELCOM арнасында шығады.
Балалық және жастық шағы
Нұрлан Ақмола облысында орналасқан Степногорск қаласында 1991 жылы туған. 8 жасынан бастап бокспен айналысқан. Мектепті бітіргеннен кейін ол Екатеринбургке жоғары білім алуға кетті, онда Орал федералды университетінің дене шынықтыру факультетіне оқуға түсті. Оқу кезеңінде Сабыров студенттік КВН командасында ойнады.
Көп оқылған
