Оскар тарихында алғаш рет әйел адам «үздік оператор» атанды

Лос-Анджелестегі Dolby театрында өткен 98-ші «Оскар» марапаттау рәсімінде Пол Томас Андерсонның «Толассыз шайқас» (One Battle After Another) фильмі триумф жасады. Туынды жалпы саны 6 номинация бойынша үздік шықты, деп хабарлайды Azattyq Rýhy.

Жеңімпаздар

Үздік фильм: «Толассыз шайқас» (One Battle After Another)

Үздік режиссер: Пол Томас Андерсон (One Battle After Another)

Үздік актер: Майкл Б. Джордан («Күнәһарлар» / Sinners)

Үздік актриса: Джесси Бакли («Хэмнет» / Hamnet)

Екінші пландағы үздік актер: Шон Пенн (One Battle After Another)

Екінші пландағы үздік актриса: Эми Мэдиган («Қару» / Weapons)

Маңызды оқиғалар

Пол Томас Андерсон өзінің режиссерлік мансабындағы алғашқы «Оскарын» алды.

Отем Дюальд Аркапау («Күнәһарлар») «Үздік операторлық жұмыс» номинациясын жеңіп алған тарихтағы алғашқы әйел атанды.

«K-Pop: жын-пері аулаушылар» (K-Pop Demon Hunters) туындысы үздік анимациялық фильм атанса, ондағы «Golden» композициясы «Үздік түпнұсқа ән» номинациясын иеленген алғашқы K-pop әні болды.

Биыл алғаш рет «Үздік кастинг» (актерлерді іріктеу) номинациясы енгізіліп, оны Кассандра Кулукундис (One Battle After Another) иеленді.

Үздік халықаралық фильм болып Норвегияның «Сентименталды құндылық» (Sentimental Value) туындысы танылды.

«Мистер Ешкім vs Путин» (Mr. Nobody vs. Putin) үздік деректі фильм номинациясын жеңіп алды.

Ең көп марапат алған фильмдер

«Толассыз шайқас» (One Battle After Another) – 6 марапат;

«Күнәһарлар» (Sinners) – 4 марапат;

«Франкенштейн» – 3 марапат.

Салтанатты кешті екінші жыл қатарынан Конан О'Брайен жүргізді. Сондай-ақ, рәсім барысында өткен жылы дүниеден өткен кино жұлдыздары - Роб Райнер, Роберт Редфорд, Дайан Китон және Кэтрин О'Хара рухына тағзым етілді.