Пәкістанның соққысынан кейін Кабулда төрт адам қаза тапты

Пәкістан Кабулдағы «бейбіт тұрғындардың үйлеріне» де соққы жасағаны белгілі болды. Соның салдарынан төрт адам қаза тауып, тағы 15 адам жарақат алды, деп хабарлайды Azattyq Rýhy  DW-ге сілтеме жасап.

AFP агенттігі жергілікті полицияның X әлеуметтік желісіндегі мәлімдемесіне сілтеме жасап таратқан ақпаратқа сәйкес, қаза тапқандардың арасында әйелдер мен балалар да бар екені айтылуда, деп хабарлайды Azattyq Rýhy DW-ге сілтеме жасап.

Сонымен қатар ауған үкіметінің өкілі Забихулла Муджахид Пәкістанның Қандағар қаласына, Пәкістанмен шектесетін Пактия және Пактика провинцияларына, сондай-ақ бірқатар басқа аудандарға соққы жасағанын мәлімдеді.

AFP агенттігінің Пәкістанның қауіпсіздік қызметтеріндегі дереккөзі 13 наурызға қараған түні Ауғанстан аумағына соққы жасалғанын растады. Оның айтуынша, шабуылдардың негізгі нысанасы «Техрик-е-Талибан Пәкістан» (ТТП) – пәкістандық қарулы исламшыл топтың мүшелері болған. Бұл ұйым ауған «Талибанымен» тығыз байланысты.

Бұрын одақтас саналған екі ел арасындағы шиеленіс Пәкістан Ауғанстаннан ТТП-ға қарсы шаралар қабылдауды талап еткеннен кейін күшейе түсті.