140 жолаушы мінген ұшақ Пхукет әуежайына шұғыл қонды

Алдын ала мәлімет бойынша, зардап шеккендер жоқ

Фото: x.com/Capt_Ck

Үндістаннан ұшып шыққан Air India Express әуе компаниясының жолаушылар ұшағы Таиландтағы Пхукет әуежайына қатты қонуға мәжбүр болды. Ұшақ бортында 140 адам отырғаны анықталды, деп хабарлайды Azattyq Rýhy.

Әуежайдың баспасөз қызметінің мәліметінше, осы оқиға салдарынан әуе қатынасының қозғалысы уақытша тоқтап қалған.

Белгілі болғандай, рейс Хайдарабад қаласынан VT-BWQ борт нөмірі бар Boeing 737 MAX 8 ұшағымен орындалған. Ұшақта 133 жолаушы және жеті экипаж мүшесі болған.

Алдын ала деректерге сәйкес, зардап шеккендер тіркелген жоқ.

Мақалада

#әуе рейсі #Үндістан #ұшақ #Таиланд

Алдыңғы жаңалық

Мұнай үшін күрес күшейді: 32 мемлекет нарыққа рекордтық көлемде шикізат жібереді