Қарағанды облысында екі мотоцикл соқтығысып, екі жүргізуші де көз жұмды

Кеше, 16 сәуір күні кешкі сағат 21:00 шамасында Шет ауданына қарасты Ағадыр кентінде екі мотоцикл соқтығысқан, деп хабарлайды Azattyq Rýhy.

Алдын ала мәлімет бойынша, олар бір бағытта келе жатқан. Апат салдарынан 37 жастағы және 17 жастағы жүргізушінің екеуі де оқиға орнында көз жұмды. Тағы бір адам түрлі жарақат алып, ауруханаға түскен. 

Қазір бұл факті бойынша қылмыстық іс қозғалып, тергеу амалдары жүріп жатыр. 

Полиция өкілдері жол қозғалысына қатысушыларды ережені қатаң сақтауға шақырды. Әсіресе жылдамдықты асырмау және мотокөлік жүргізгенде шлем мен қорғаныш құралдарын міндетті түрде пайдалану қажет екенін ескертті.