«Оқжетпес» футбол клубын Қытай компаниясы сатып алатыны рас па

Қазақстан футбол федерациясының бас хатшысы Давид Лория желіде тараған «Оқжетпес» футбол клубы қытайлық компанияға сатылуы мүмкін деген ақпаратқа түсініктеме берді, деп хабарлайды Azattyq Rýhy.

Оның айтуынша, әлеуетті инвесторлармен келіссөздер өтеді.

«Әзірге күте тұрайық, менің білуімше, әлеуетті инвесторлармен келіссөздер жүргізіледі. Кейін бұл мәселенің қаншалықты жүзеге асатынын көреміз. Шын мәнінде, шетелдік инвестор қазақстандық клубқа капитал салуға дайын болса, бұл өте қызықты тәжірибе болар еді», — дейді Лория Үкімет кулуарында.

 Айта кетері, қазір елімізде футбол клубтарын жекешелендіру процесі жүріп жатыр.