Шавкат Рахмоновтың UFC-дегі келесі жекпе-жегі туралы күтпеген жаңалық шықты

Қазақстандық файтер Шавкат Рахмоновтың бапкері Эдуард Базров шәкірті толыққанды жаттығуды бастағанын мәлімдеді, деп хабарлайды Azattyq Rýhy «Спорт Шредингера» басылымына сілтеме жасап.

Шавкат жаттығуға кірісті

Рахмонов өткен жылдың желтоқсан айында төрешілердің шешімімен Иен Гэрриді жеңгеннен кейін жекпе-жек өткізбеді. Ол жақында салмақ дәрежесіне қарамастан UFC рейтингінің үздік 15-іне енді.

«Шавкат жаттығуға кірісті. Ол толық жаттығып жатыр. Қазіргі уақытта денсаулығы жақсы. 100% жаттыға алады. Дегенмен жыл соңына дейін жекпе-жек болмауы әбден мүмкін», - деді Базров.

Жақында америкалық Шон Брэди оны жекпе-жекке шақырғаны, жекпе-жек 22 қарашада Дохада (Катар) өтетіні және осы кездесу жартылай орта салмақтағы UFC титулына үміткерді анықтайтыны туралы ақпарат жарияланған болатын.

Үшінші орнын сақтап қалды

Еске сала кетейік, Абсолютті жекпе-жек чемпионаты (UFC) Лас-Вегаста өткен турнирден кейінгі жаңартылған рейтингті жариялады. Шавкат Рахмонов жартылай орта салмақтағы (77,1 кг дейін) үшінші орнын сақтап қалды. Отандасымыз Асу Алмабаев та жеңіл салмақтағы (56,7 кг дейін) тоғызыншы орнын қорғап қалды.