Елена Рыбакина WTA 500 турнирінің жартылай финалына шықты

Қазақстанның бірінші ракеткасы Елена Рыбакина АҚШ астанасы Вашингтонда өтіп жатқан WTA 500 санатындағы беделді турнирдің жартылай финалына жолдама алды, деп хабарлайды Azattyq Rýhy Қазақстан теннис федерациясына сілтеме жасап.

Поляк спортшысын жеңді

• Ширек финалдағы кездесуде Рыбакина әлемдік рейтингте 24-орында тұрған Польша өкілі Магдалена Френхты 6:3, 6:3 есебімен сенімді жеңді.
• Матч 1 сағат 20 минутқа созылды.

Матч статистикасы

• Рыбакина 7 эйс жасап,
• 4 қос қателікке жол берді,
•  5 брейк-пойнттың үшеуін сәтті пайдаланды.
•  Бұл жеңіс оның WTA рейтингіндегі тұрақты жоғары нәтижесін тағы бір дәлелдеді.

Жартылай финалдағы қарсылас – канадалық Лейла Фернандес

«Финалға жолдама үшін Елена канадалық теннисші Лейла Фернандеспен (WTA – 36-орын) кездеседі», – деп хабарлады Қазақстан теннис федерациясы.