«Сені ұзыныңнан түсіремін»: Елеусінов әлем чемпионын жекпе-жекке шақырды
Елеусінов үш жылдық үзілістен кейін биыл қыркүйек айында шаршы алаңға оралған
Қазақстандық кәсіпқой боксшы Данияр Елеусінов WBC тұжырымы бойынша әлем чемпионы Марио Барриосты жекпе-жекке шақырды, деп хабарлайды Azattyq Rýhy.
Ол өткен аптада рингке шыққан Марио Барриостың жекпе-жегіне баға берді.
«WBC тұжырымы бойынша әлем чемпионы Марио Барриостың өткен аптада өте нашар өнер көрсетті. Абель Рамос нокдаунда болғаны үшін ғана тең нәтиже болды. Марио, сені сұлатып түсіретініме сенімдімін. Кел, рингте күш сынасайық. Кез келген жерде. Кез келген уақытта. Олимпиада чемпионы WBC чемпионына қарсы. Жанкүйер қауымға қуаныш сыйлайық», - деп жазды Данияр Елеусінов Instagram парақшасында.
Айта кетейік, осыған дейін Данияр Елеусіновтің ақпан айында рингке шығатыны хабарланған. Отандасымыз үш жылдық үзілістен кейін биыл қыркүйек айында шаршы алаңға оралып, филиппиндік Джо Нойнаяны 5-раундта нокаутқа жіберген болатын.
