Үш жыл жекпе-жек өткізбеген Данияр Елеусінов шаршы алаңға оралады

Боксшы 28 қыркүйекте бокстасады

Фото: olympic.kz

«All Stars Boxing» компаниясының баспасөз қызметі қазақстандық атақты боксшы Данияр Елеусіновтың келесі жекпе-жегін жариялады, деп хабарлайды Azattyq Rýhy.

«All Stars boxing» кешінің басты жекпе-жегінде қазақстандық боксшы, ҚР еңбек сіңірген спорт шебері, Азия ойындарының екі дүркін чемпионы және Олимпиада чемпионы Данияр Елеусінов өнер көрсетеді»,- деп хабарлады компания.

Турнир 28 қыркүйекте «Алматы аренада» өтеді.

Айта кетейік, кәсіби рингтегі соңғы жекпе-жегін Елеусінов 2021 жылдың желтоқсанында Астанада аргентиналық Хуан Герман Лилге қарсы өткізіп, төрешілердің шешімімен жеңіп, жартылай орта салмақта IBO титулын жеңіп алды.

Мақалада

#бокс #Олимпиада #Данияр Елеусінов

Алдыңғы жаңалық

Юлия Путинцева АҚШ-та өткен турнирде әлемнің екінші ракеткасын ұтты