Париж-2024: Ислам Сәтпаев пен Константин Малиновский іріктеуден өтпей қалды

Нысана көздеуден Қазақстан командасының мүшелері Ислам Сәтпаев пен Константин Малиновский іріктеуден өтпей қалды, деп хабарлайды Azattyq Rýhy.

Спортшылар кіші калибрлі винтовкамен үш позицияда нысана көздеуден (50 метр) іріктеуге қатысты. Сәтпаев 588 ұпаймен 18-орын алса, Малиновский 586 ұпаймен жарысты 25-орында аяқтады.

Финалға іріктеу қорытындысы бойынша алғашқы сегіз спортшы жолдама алды.