Юлия Путинцева Бирмингемде өткен турнирдің жеңімпазы атанды

Қазақстандық теннисші Юлия Путинцева (WTA рейтингінде 41-орын) Бирмингемде (Англия) өткен турнирдің жеңімпазы атанды, деп хабарлайды Azattyq Rýhy.

Жекелеген разрядтың финалында Путинцева австралиялық Айла Томляновичпен (190-орын) кездесті және оны екі сетте жеңді— 6:1, 7:6 (10:8).

Осылайша, Юлия Путинцева 2024 жылы алғашқы титулын жеңіп алды. Осыған дейін турнир барысында қазақстандық франциялық теннисші Клара Бюрельді (43-орын) – 6:3, 6:4, украиналық Ангелина Калининаны (47-орын) – 6:3, 6:0, америкалық Каролин Доулхайдты (61-орын) – 6:3, 6:7, 6:1 және италиялық Элизабетта Коччареттоны (44-орын) – 6:2, 6:2. жеңген болатын.