Жәнібек Әлімханұлы WBO және IBF нұсқалары бойынша әлем чемпионы атанды

Azattyq Rýhy

Ол қарсыласын техникалық нокаутпен жеңді

Жәнібек Әлімханұлы WBO және IBF нұсқалары бойынша әлем чемпионы атанды
Фото ашық дереккөзден

Қазақстандық боксшы Жәнібек Әлімханұлы (14-0, 9 КО) Розенбергте (АҚШ, Техас штаты) өткен бокс кешінде өнер көрсетті, деп хабарлайды Azattyq Rýhy Sports.kz-ке сілтеме жасап.

Әлімханұлы орта салмақта неміс боксшысы Винченцо Гуальтиеримен (21-0-1, 7 КО) біріккен жекпе-жек өткізіп, WBO және IBF нұсқалары бойынша әлем чемпионы белбеулерін сарапқа салды.

Бұл жекпе-жек он екі раундқа жоспарланған. Алайда Қазақстан боксшысы алтыншы раунда жекпе-жекті техникалық нокаутпен аяқтады.  

Осылайша, Жәнібек Әлімханұлы кәсіби мансабында он бесінші рет жеңіске жетіп, WBO белбеуіне IBF атағын да қосып алды. Ал Винченцо Гуальтиери кәсіби рингте алғаш рет жеңіліп, белбеуінен айырылды.

×
Бұл желілік ресурстың ақпараттық өнімдері 18 жастан асқан адамдарға арналған.