Азия ойындары: велоспедші Алексей Луценко алтын жүлде иегері атанды

Қазақстан қоржынына бесінші алтын медаль түсті

Фото: olympic.kz

Қытайдың Ханчжоу қаласында өтіп жатқан Азия ойындарында қазақстандық велошабандоз Алексей Луценко алтын медаль жеңіп алды, деп хабарлайды Azattyq Ruhy.

Ұлттық олимпиада комитетінің хабарлауынша, ол 39,6 шақырымдық уақыт бойынша жекелей жарыста үздік атанды.

Луценко қашықтықты 48:05,75 нәтижемен бағындырды.

Қытайлық велошабандоз Сюэ Мин мәреге екінші келді.

Үшінші орынды Винсент Ван Лау (Гонконг) иеленді.

Айта кетсек, Алексей Луценко 2014 жылы Инчхонда және 2018 жылы Джакартада жеңімпаз атанған еді.

Мақалада

#Қазақстан #алтын #спортшылар #медаль #велосипедші #Азия ойындары #Азиада

Алдыңғы жаңалық

Азия ойындары: Қазақстан тоғызыншы күміс медальді иеленді